काठमाडौँ : एभर्टनलाई हराउँदै शिर्ष स्थानको लिभरपुल इंग्लिस प्रिमियर लिगको उपाधि नजिक पुगेको छ ।

एन्फिल्डमा गएराति भएको खेलमा एभर्टनलाई १–० ले हराउँदै शीर्षस्थानको लिभरपुलले १२ अंकको अग्रता बनाएको हो । खेलको ५६ औं मिनेटमा मर्सीसाइड डर्बीमा डियागो जोटाले गरेको एकमात्र गोल नै निर्णायक बन्यो ।

३० खेलपछि लिभरपुल ७३ अङ्कका साथ शीर्ष स्थानमा यथावत छ । उसलाई अब उपाधिका लागि ८ खेलबाट बढीमा १३ अंक मात्र आवश्यक छ ।

दोस्रो स्थानको आर्सनलको समान खेलबाट ६१ अङ्क रहँदा नोटिङघम फरेस्ट ५७ अङ्क सहित तेस्रो स्थानमा छ ।

 ५१ अङ्क सहित म्यानचेस्टर सिटी चौंथो स्थानमा रहेको छ ।