काठमाडौँ :इन्डियन प्रिमियर लिग (आईपीएल)मा मुम्बई इन्डियन्सले अर्को हार ब्यहोरेको छ ।

शुक्रबार राती भएको खेलमा मुम्बई लखनउ सुपर जायन्ट्ससंग १२ रनले पराजित भएको हो । जितकालागि २०४ रनको लक्ष्य पाछ्याएको मुम्बईले निर्धारित ओभरमा  ५ विकेटको क्षतिमा १९१ रन मात्रै बनाउन सक्यो ।

मुम्बईका लागि सूर्यकुमार यादवले सर्वाधिक ६७ रनको योगदान गरे । नमन धिरले ४६ , कप्तान हार्दिक पाण्डे २८ तथा तिलक बर्माले २५ रन बनाए ।

त्यसअघि टस हारेर पहिले ब्याटिङ गरेको लखनउले ८ विकेटको क्षतिमा २०३ रन बनायो । उसकालागि मिचेल मार्सले उत्कृष्ट पारी खेल्दै ६० रन जोडे ।