काठमाडौँ :पाकिस्तान बिरुद्दको एक दिवशीय सिरिजमा घरेलु टोली न्यूजल्याडले क्लीन स्वीप गरेको छ ।

आज भएको तेस्रो तथा अन्तिम खेलमा पाकितानलाई ४३ रनले हराउँदै न्यूजल्याण्डले श्रींखला क्लीन स्वीप रेको हो । जितकालागि न्यूजल्याण्डले दिएको २६५ रनको लक्ष्य पछ्याएको पाकिस्तानले ४० ओभरमा सवै विकेट गुमाउँदै २२१ रन मात्रै बनाउन सक्यो ।

उसकालागि बाबर आजामले सर्वाधिक ५० रन जोडे । कप्तान मोहम्मद रिजवानले ३७ तथा अब्दुल्लाह सफिखले ३३ रन जोडे ।

त्यसअघि न्यूजल्याण्डको माउन्ट माउङ्गानुई क्रिकेट मैदानमा टस हारेरे पहिले ब्याटिङमा तानिएको  घरेलु टोलीले निर्धारित ४२ ओभरमा ८ विकेट गुमाएर २६४ रन बनाएको थियो । उसकालागि कप्तान माइकल ब्रेसवेलले सर्वाधिक ५९ रन जोडे । र्यास मारियुले ५८ तथा ड्यारेल मिचेलले ४३ रन बनाए ।

पहिलो एकदिवशीयमा ७३ रनले पराजित भएको पाकिस्तान दोस्रो खेलमा ८४ रनले पराजित भएको थियो ।