काठमाडौँ : इण्डियन प्रिमियर लिग आइपिएल क्रिकेटमा दिल्ली क्यापिटल्सले चेन्नेई सुपर किङ्ससामु जितकालागि १८४ रनको लक्ष्य प्रस्तुत गरेको छ ।

एम ए चितम्बरम स्टेडियम चेन्नेईमा टस जितेर पहिले ब्याटिङ थालेको दिल्लीले निर्धारित ओभरमा ५ विकेटको क्षतिमा १८३ रन बनायो । उसकालागि केएल राहुलले सर्वाधिक ७७ रनको योगदान गरे ।

अभिषेक पोर्लले ३३ रन बनाउँदा ट्रिस्टन स्टब्स २४ रनमा अविजित रहे ।कप्तान अक्षर पटेलले २१ तथा समिर रिज्भीले २० रन जोडे ।  खेलेको दुबै खेलमा जित निकालेको दिल्ली आज तेस्रो जित निकाल्दै शिर्ष स्थानमा उक्लने दाउमा छ ।

२ अंक सहित ८ औँ स्थानमा रहेको चेन्नेई दोस्रो जितको खोजिमा रहेको छ ।