काठमाडौँ :आईसीसी १९ वर्षमुनिको विश्वकप एशिया छनोटमा नेपालले विजयी सुरुवात गरेको छ । 

आज भएको उद्धघाटन खेलमा नेपालले डकवर्थ–लुइस डिएलएस नियम अनुसार युएईलाई ५ रनले हराउँदै नेपालले विजयी सुरुवात गरेको हो । बर्षाका कारण ४० ओभरमा झारिएको खेलमा पुन वर्षा भएपछि खेलको नतिजा डकवर्थ–लुइसबाट लिईएको हो । 

 जितकालागि नेपालले दिएको २०१ रनको लक्ष्य पछ्याएको युएईले ३६ ओभरमा ७ विकेट गुमाएर १७१ रन बनाउँदा वर्षा भएपछि खेल अगाडी बढ्न सकेन । युएइकालागि याईन किरण राईले शतकिय पारी खेल्दै अविजित १०४ रन बनाएको थियो ।

 त्यसअघि तल्लो मूलपानी मैदानमा टस हारेर ब्याटिङको निम्तो पाएको नेपालले निर्धारित ४० ओभरमा ९ विकेट गुमाएर २०० रन बनाएको थियो । नेपालकालागि कप्तान नरेन भट्टले ६७ रन बनाए ।
 प्रतियोगिता अन्तर्गत नेपालले भोलि ओमानसँग खेल्ने तालिका छ ।