सोसल मिडिया
हाम्रो बारेमा
प्रयोगका सर्त
काठमाडौँ : नेपाली क्रिकेट टोलीका कप्तान रोहित पौडेलले श्रीलंकाविरुद्ध जित निकाल्ने दाबी गरेका छन् ।
बुधवार हुने श्रीलंकाविरूद्ध खेल अघिको पत्रकार सम्मेलनमा बोल्दै पौडेलले नेपाली क्रिकेट कुनै पनि टोलीलाई हराउन सक्षम रहेको बताएका हुन् । जारी विश्वकपमा अप्रत्यासित नतिजाहरु आईरहेकाले सबै जना चकित भईरहेको भन्दै उनले नेपाल भन्दा बढी दबावमा श्रीलंका रहेको समेत बताए ।
एसोसिएट टोलीभन्दा बढी टेष्ट राष्ट्रमा रहेको दबावको सदुपयोग गरेर नेपालले श्रीलंकालाई हराउने बताएका हुन् । “यदि हामीले परिस्थितिको सामना गर्छौं र आफ्नो सीप खेर फालेनौँ भने हामी कुनै पनि टोलीलाई हराउन सक्षम छौं ।", उनले भने "त्यो विश्वास हामीसंग छ ।"
कप्तान पौडेलले श्रीलंकासँगको खेलका लागि उत्साहित रहेको पनि सुनाए ।
