सोसल मिडिया
हाम्रो बारेमा
प्रयोगका सर्त
काठमाडौँ : वेष्टइण्डिज आईसीसी टि–२० विश्वकप क्रिकेटको सुपर -८ मा प्रवेश गरेको छ ।
बिहिवार बिहान भएको खेलमा न्यूजल्याण्डलाई १३ रनले हराउँदै समुह "सी" बाट वेष्टइण्डिज सुपर -८ मा पुगेको हो । जितका लागि वेष्टइण्डिजले दिएको १५० रनको लक्ष्य पछ्याएको न्यूजल्याण्डले निर्धारित ओभरमा ९ विकेट गुमाउँदै १३६ रन मात्र बनाउन सक्यो ।
न्यूजल्याण्डका लागि ग्लेन फिलिप्सले सर्वाधिक ४० रनको योगदान गरे । फिन एलनले २६ मिचेल सान्टारले २१,तथा ड्यारिल मिचेलले १२ रन जोडे । बलिङतर्फ अल्जारी जोसेफले सर्वाधिक ४ तथा गुडाकेश मोतीले ३ विकेट लिए ।
त्यसअघि ब्रायन लारा स्टेडियम तारौबा, त्रिनिदादमा टस हारेर पहिले ब्याटिङमा तानिएको वेष्टइण्डिजले निर्धारित ओभरमा ९ विकेट गुमाएर १४९ रन बनायो । वेष्टइण्डिजकालागि शेर्फेन रदरफोर्डले बिस्फोटक ब्याटिङ गर्दै नटआउट ६८ रनको योगदान गरे । ३९ बलको सामना गरेका उनले २ चौका र ६ छक्का प्रहार गरे ।
निकोलस पुरनले १७ ,अकेल होसेनले १५ तथा आन्द्र रसेलले १४ रन जोडे । निकोलस पुरन वेष्टइण्डिजका लागि सर्वाधिक रन बनाउने पहिलो खेलाडी बनेका छन् । उनले अहिले सम्म १९१४ रन बनाएका छन् ।
क्रिस गेलले १८९९ रन बनाएका थिए । यो संगै लगातार तेस्रो जित निकालेको वेष्टइण्डिज ६ अंक सहित समुहको शिर्ष स्थानमा छ । खेलेका दुबै खेलमा जित निकालेको अफगानिस्तान दोस्रो स्थानमा छ ।
समुह "सी" बाट वेष्टईण्डिजसंगै अफगानिस्तान पनि सुपर -८ पुग्ने लभगभ पक्का छ ।
