सोसल मिडिया
हाम्रो बारेमा
प्रयोगका सर्त
काठमाडौँ :आईसीसी टी–२० विश्वकप क्रिकेट अन्तर्गत सुपर–८ को खेलमा भारतले बंगालादेशमाथि शानदार जित निकालेको छ ।
शनिवार राती भएको खेलमा भारतले बंगालादेशलाई ५० रनले हराउँदै लगातार दोस्रो जित निकालेको हो । जितका लागि भारतले दिएको १९७ रनको लक्ष्य पछ्याएको बंगालादेशले निर्धारित २० ओभरमा ८ विकेट गुमाउँदै १४६ रन मात्र बनाउन सक्यो ।
उसकालागि कप्तान नजमुल हुसेन शान्तोले सर्वाधिक ४० रनको योगदान गरे । तान्जिद हसनले २९ तथा रिशाद हुसेनले २४ रन जाडे । भारतका लागि कुलदीप यादवले सर्वाधिक ३ विकेट लिए । ४ ओभर बलिङ गरेका उनले १९ रन मात्र खर्च गरे । अर्शदीप सिंह र जसप्रित बुमराहले २–२ विकेट लिदाँ हार्दिक पाण्ड्याले एक विकेट हात पारे ।
त्यसअघि सर भिभियन रिचर्ड्स स्टेडियम, एन्टिगुआमा टस हारेर पहिले ब्याटिङमा तानिएको भारतले निर्धारित २० ओभरमा ५ विकेटको क्षतिमा १९६ रन बनायो । भारतकालागि हार्दिक पाण्ड्याले अर्धसतकिय पारी खेल्दै सर्वाधिक ५० ररमा अविजित रहे । बिराट कोहलीले ३७ , ऋषभ पन्तले ३६ , शिवम दुवेले ३४ तथा कप्तान रोहित शर्माले २३ रनको योगदान गरे ।
सूर्यकुमार यादब ६ रनमा समेटिए ।
लगातार जितसंगै भारत सेमिफाईनल नजिक पुगेको छ ।
