सोसल मिडिया
हाम्रो बारेमा
प्रयोगका सर्त
एजेन्सी : पेरिस ओलम्पिक २०२४ फ्रान्समा सुरु भएको छ ।
ओलम्पिक इतिहासमै पहिलो पटक समुन्द्रमा उद्धघाटन गरिएको यस ओलम्पिक फ्रान्सको सबैभन्दा प्रख्यात सेन नदीमा भएको हो । ३२ खेलमा ३ सय २९ स्वर्ण पदकका लागि १० हजार ७ सय १४ खेलाडीले पेरिस ओलम्पिकमा प्रतिस्पर्धा गर्दैछन् ।
अन्तर्राष्ट्रिय क्रिकेट समितिका अध्यक्ष थोमस बाख र फ्रान्सका राष्ट्रपति इमानुएल म्याक्रोनले विश्वभरका १० हजार ५०० खेलाडीलाई पेरिसमा स्वागत गरेका थिए । एफिल टावरमा एउटा सुन्दर लाइट शो देखियो । अन्धकारको बीचमा हजारौं मानिसले यो लाइट शोको मजा लिएका छन् ।
यसअघि फ्रान्सका लिजेण्ड जिनेदिन जिदान र उनीपछि स्पेनका राफेल नाडालले ओलम्पिक टर्च हातमा लिएका थिए । पेरिस ओलम्पिक २०२४ को उद्घाटन समारोमा हलिउड सुन्दरी लेडी गागा, सेलिन डियोन र फ्रेन्च गायिका अया नाकामुराले आ–आफ्ना गीतहरु सुनाएर कार्यक्रममा रमाइलो गरेका थिए ।
एथलीट परेडका क्रममा धेरै पानी परेको थियो । तर पनि खेलाडीको उत्साह कम भएन ।
परेड सकिएपछि एकताको सन्देश दिई ओलम्पिक टर्च प्रज्वलन गर्दा ठूलो बेलुन हावामा रोकियो । यससँगै उद्घाटन समारोह सम्पन्न भएको छ । तस्वीरमा हेर्नुहोस पेरिस ओलम्पिक २०२४ :
