सोसल मिडिया
हाम्रो बारेमा
प्रयोगका सर्त
काठमाडौँ : श्रीलंकालाई हराउँदै भारत काभा वुमन्स नेसन्स लिग भलिबलको सेमिफाईनलमा प्रवेश गरेको छ ।
त्रिपुरेश्वरस्थित राखेपको कभर्डहलमा आज भएको खेलमा श्रीलंकामाथि ३–० को सोझो सेटमा हराउँदै भारत शिर्ष स्थानमा रहँदै सेमिफाईनलमा पुगेको हो । भारतले पहिलो सेट २५–१३ ले सहजै आफ्नो पक्षमा पार्यो ।
निकै प्रतिस्पर्धात्मक दोस्रो सेटमा भारतले २५–२१ ले श्रीलंकालाई हरायो । तेस्रो सेटमा पनि श्रीलंकामाथि हावी देखिएको भारतले २५–२० ले खेल आफ्नो पक्षमा बनायो । जितसंगै भारत १० अंक सहित शिर्ष स्थानमा उक्लिएको छ ।
आजै दिउँसो सवा ३ बजे हुने लिग चरणको अन्तिम खेलमा नेपाल र माल्दिभ्सबीच प्रतिस्पर्धा हुनेछ ।
सेमिफाइनलमा लिगको शिर्ष र चौथो टोली तथा दोस्रो र तेस्रो टोलीबीच प्रतिस्पर्धा हुनेछ ।
