सोसल मिडिया
हाम्रो बारेमा
प्रयोगका सर्त
काठमाडौँ : नेपाल भलिबल संघले काभा भलिबलका बिजेताहरुलाई नगद सहित सम्मान गरेको छ ।
आज काठमाडौँमा आयोजित एक कार्यक्रमकाबीच राष्ट्रिय खेलकुद परिषद राखेपका सदस्य सचिव टंकलाल घिसिङले काभाको विभिन्न प्रतियोगितामा पदक जितेका चार भलिबल टोलीलाई नगद सहित सम्मान गरेका हुन् ।
भुटानमा भएको काभा बिच भलिबलमा स्वणै जित्ने महिला टोली,रजत जित्ने पुरुष टोली, माल्दिभ्समा भएको काभा यू–२० महिला भलिबल च्याम्पियनसिपमा कांस्य जित्ने टोली र नेपालमा भएको काभा महिला भलिबल नेसन्स लिगमा रजत जितेको नेपाली टोलीलाई नगद सहित सम्मान गरिएको हो ।
यसैबिच राष्ट्रिय खेलकुद परिषद (राखेप) ले जगदिश भट्टलाई मुख्य भलिबल प्रशिक्षकको जिम्मेवारी दिइएको छ । राखेपका सदस्य सचिव घिसिङले भट्टलाई भलिबलको मुख्य प्रशिक्षकको जिम्मेवारी दिने निर्णय भएको बताउका हुन् । नयाँ जिम्मेवारीको पत्र भने उनलाई भोली मात्रै दिईनेछ ।