एजेन्सी : दक्षिण अफ्रिकाबिरुद्धको पहिलो एक दिवशीय क्रिकेटमा अफगानिस्तान विजयी भएको छ ।

युएईको सारजाहामा बुधवार राती भएको खेलमा अफगानिस्तानले दक्षिणअफ्रिकालाई ६ विकेटले पराजित गरेको हो । जितकालागि दक्षिण अफ्रिकाले दिएको १०७ रनको लक्ष्य अफगानिस्तानले २६ ओभरमा ४ विकेट गुमाएर भेटायो ।

अफगानिस्तानको जितमा गुलाबदिन नयबले अविजित ३४ रनको योगदान गरे । अजमातुल्लाह उमरजाईले २५ रन जोडे । त्यसअघि टस जितेर पहिले ब्याटिङ थालेको दक्षिण अफ्रिका ३३.३ ओभरमा अलआउट हुँदै १०६ रनमा समेटियो । वीयान मोलदरले सर्वाधिक ५२ रनको योगदान गरे ।