काठमाडौँ : बीस बर्ष मुनिको एफसी एसियन कप छनोटमा नेपाल उज्वेकिस्तानसंग पराजित भएको छ । न्यू ताइपेइ सिटीमा आज भएको खेलमा नेपाल उज्वेकिस्तानसंग ६–० गोलले पराजित भएको हो ।

समूह "बी" को शीर्ष दुईमा रहेर चीनमा अर्को वर्ष हुने प्रतियोगितामा छनोट हुने लक्ष्यसाथ चाइनिज ताइपेइ पुगेको नेपालले सुखद् सुरुआत भने गर्न सकेको छैन ।

पहिलो खेलमा समान स्तरको कम्बोडियासँग नेपाल ४–१ ले पराजित भएको थियो । उक्त खेलमा नेपालको तर्फबाट समीर तामाङले मात्रै गोल गर्न सकेका थिए ।

समीरले दोस्रो खेलमा ह्याट्रिक गरेपछि नेपालले सोमबार घरेलु टोली चाइनिज ताइपेइसँगको खेलमा ३–१ को जितसहित प्रतियोगितामा पुनरागमन गरेको थियो ।