सोसल मिडिया
हाम्रो बारेमा
प्रयोगका सर्त
काठमाडौँ : साफ महिला च्याम्पियनसिप फुटबलमा आज नेपालले भुटानसंग प्रतिस्पर्धा गर्दैछ ।
त्रिपुरेश्वरस्थित दशरथरंगाशालामा बेलुकी साढे ५ बजे शुरु हुने खेलमा नेपाल भुटानलाई हराउँदै घरेलु मैदानमा विजयी सुरुवात गर्न चाहान्छ । सर्वाधिक पाँच पटक फाईनल पुगेपनि नेपालले उपाधि भने उचाल्न सकेको छैन ।
दक्षिण एसियाली महिला फुटबलमा भारतको दबदबा छ । भारतले अहिलेसम्म पाँच पटक उपाधि उचालेको छ । उद्धघाटन खेलमा भारतले पाकिस्तानलाई पाँच दुई गोलले हराउँदै विजयी सुरुवात गरिसकेको छ ।
प्रतियोगितामा नेपालसहित माल्दिभ्स, पाकिस्तान, श्रीलंका, भारत, भुटान र बंगलादेश सहभागी छन् ।
प्रतियोगितामा सहभागी टोलीलाई दुई समूहमा विभाजन गरिएको छ ।
साविक विजेता बंगलादेशसहित भारत र पाकिस्तान समूह ‘ए’ मा छन् भने समूह ‘बी’ मा नेपालसँगै भुटान, श्रीलंका र माल्दिभ्स छन् ।
प्रतियोगिताको फाइनल खेल कात्तिक १४ गते हुनेछ ।
