काठमाडौँ : साफ महिला च्याम्पियनसिप फुटबलमा नेपाल र भुटानबीचको खेल बराबरीमा टुंगिएको छ ।

त्रिपुरेश्वरस्थित दशरथरंगाशालामा आज साँझ भएको खेलमा दुवै टोलीले गोल रहित बराबरी खेल्दै अंक बाँडेका हुन् । तुलनात्मक रुपमा कमजोर मानिएको भुटानसंग बराबरी खेलेपछि नेपालको उपाधि जित्ने योजनामा धक्का लागेको छ ।

नेपाललले लगातार भुटानको पोष्टमा आक्रमण गरेपनि भुटानको डिफेन्स र गोलकिपर बाधक बन्यो । निर्धारित ९० मिनेट र थएिको ५ मिनेटको अतिरिक्त समयमा पनि दुवै टोलीबाट गोल हुन सकेन् ।

सर्वाधिक पाँच पटक फाईनल पुगेपनि नेपालले उपाधि भने उचाल्न सकेको छैन ।

आजै भएको पहिलो खेलमा श्रीलंकाले माल्दिभ्सलाई एक शुन्यले पराजित गरेको छ ।