सोसल मिडिया
हाम्रो बारेमा
प्रयोगका सर्त
काठमाडौँ : राष्ट्रिय भलिबल टोलीका कप्तान मानबहादुर श्रेष्ठले सन्यासको घोषणा गरेका छन् ।
सामाजिक सञ्जालमार्फत आज उनले सन्यासको घोषणा गरेका हुन् । यो निर्णय लिन सहज नभएपनि जिम्मेवारी नयाँ पुस्तालाई दिने समय आएकोले धेरै सोचविचार पछि कप्तानी त्याग्ने र अवकाश लिने निर्णय गरेको उनले जारी गरेको भिडियोमा उल्लेख छ ।
सन् २०१५ मा राष्ट्रिय टोलीमा डेब्यु गरेका श्रेष्ठले नेपालले खेलेको पाँच वटै सेन्ट्रल जोन भलिबल र काभा नेसन्स लिग खेलेका छन् । उनी घरेलु प्रतियोगितामा विभागीय टोली त्रिभुवन आर्मीको कप्तानी गर्दै आएका छन् ।
उनले अर्को जन्म पाएमा फेरि भलिबल खेलाडी भएर जन्मन पाउँ भनि कामना समेत गरेका छन् ।
