सोसल मिडिया
हाम्रो बारेमा
प्रयोगका सर्त
काठमाडौँ : माल्दिभ्समाथि फराकिलो जित निकाल्दै घरेलु टोली नेपाल साफ महिला च्याम्पियनसिप फुटबलको शिर्ष स्थानमा उक्लिएको छ ।
त्रिपुरेश्वर स्थित दशरथ रंगशालामा आज साँझ भएको खेलमा माल्दिभ्समाथि ११–० को फराकिलो जित निकाल्दै नेपाल अंक तालिकाको शीर्षस्थानमा उक्लिएको हो । नेपालको जितमा रेखा पौडेलले सर्वाधिक ५ गोल गरिन् । प्रिती राईले ह्याट्रिक गोल गरिन् । यस्तै सविता राना मगर, अमिशा कार्की र अनिता केसीले १–१ गोल गरिन् ।
पहिलो हाफमा ४ गोल गरेको नेपालले दोस्रो हाफमा माल्दिभ्सको पोष्टमा ७ गोल थपेको थियो । समुह बी मा नेपाल र भुटानको समान चार अंक भएपनि गोल अन्तरमा नेपाल अगाडी छ ।
नेपालले अब समुह चरणको अन्तिम खेलमा बिहिवार श्रीलंकासंग खेल्नेछ । उक्त खेलमा बराबरी मात्रै खेलेपनि नेपाल सेमिफाइनलमा पुग्नेछ ।
