सोसल मिडिया
हाम्रो बारेमा
प्रयोगका सर्त
एजेन्सी :नेयमार फर्किएपछि साउदी क्लब अल हिलालले एएफसी च्याम्पियन्स लिगमा लगातार तेस्रो जित निकालेको छ ।
इन्जुरिका कारण एक बर्षदेखि मैदान बाहिर रहेका नेइमार यस खेलमा सब्स्टिच्युटको रुपमा खेलको ७७ औ मिनेटमा मैदान प्रवेश गरेका थिए ।
गएराती सम्पन्न खेलमा अल हिलालले युएईको क्लब अल ऐनलाई ५–४ गोल अन्तरले पराजित गरेको हो ।अल हिलालको जितमा सालेम अल्दावसरीले ह्याट्रिक गोल गरे ।
सेर्गेज मिलिनकोभिक र रेनान लोडीले एक एक गोल गरे । अल ऐनका लागि सोउफिआने रहिमीले ह्याट्रिक गरेका थिए भने माटेओ सनाबरियाले एक गोल गरे ।
८२औ मिनेटमा अलि अल्बूलायहिले रातो कार्ड पाएपछि अल हिलाल १० खेलाडीमा सिमित भएको थियो ।
जितसंगै ३ खेलबाट ९ अंक जोडेको हिलाल तालिकाको शिर्ष स्थानमा उक्लिएको छ ।
