सोसल मिडिया
हाम्रो बारेमा
प्रयोगका सर्त
काठमाडौँ : यु–१७ एफसी एसियन कप छनोटमा नेपाल जापानसँग फराकिलो अन्तरले पराजित भएको छ ।
कतारको दोहास्थित हमद बिन खालिफा स्टेडियमा बुधवार राती भएका खेलमा नेपाल जापानसंग ९–२ गोलले पराजित भएको हो । खेलको १२ औँ मिनेटमा नेपालका सबिन कुमार मगरको गोलबाट नेपालले अग्रता बनाएपनि त्यसपछि लगातार जापान नेपाल विरुद्ध आक्रमक बन्यो ।
जापानका लागि दाइची तानीले सर्वाधिक ४ गोल गरे । हिरोतो असाडाले ३ तथा मिबुकी कासाइ र काइजी चोननले एक- एक गोल गरे । विज्ञान खड्काले ८८ औँ मिनेटमा नेपालका लागि दोस्रो गोल फर्काए ।
समूह चरणको पहिलो खेलमै नेपाल साबिक विजेता जापानसँग पराजित भएको हो ।
जापानले १९९४, २००६, २०१८ र २०२३ मा उपाधि उचालेको थियो । चारपटकको उपाधि बिजेतासंग जित निकाल्न नेपालका लागि सहज थिएन ।
