काठमाडौँ : साफ महिला च्याम्पियनसिप फुलबलको फाइनल प्रवेशकालागि नेपालले भारतसंग प्रतिस्पर्धा गर्ने भएको छ ।

समुह चरणको अन्तिम खेलमा श्रीलंकामाथि ६–० को जित निकाल्दै नेपाल समूह विजेताका रुपमा सेमिफाइनलमा पुगेको हो । नेपाल र भारतको भिडन्त त्रिपुरेश्वरस्थित दशरथरंगाशालामा आइतवार साँझ ६ः३० बजे हुनेछ । फाइनल पुग्न नेपाललाई भारत बाधक बन्न सक्छ ।

पाँच पटकको विजेता भारत नेपाललाई हराउँदै फाइनल पुग्न चाहान्छ । नेपाललाई घरेलु मैदानमा भारतलाई हराउने सुनौलो अवसर पनि छ ।

पहिलो सेमिफाइनलमा आइतवार दिउँसो १ः३० बजे बंगलादेश र भुटानबीच प्रतिस्पर्धा हुनेछ ।