काठमाडौँ :उपाधि दावेदार भारत र पाकस्तान दुवै टोली एसीसी पुरुष टी–२० इमर्जिङ टिम्स एसिया कपबाट बाहिरिएका छन् ।

शुक्रवार भएको सेमिफाइनलमा भारत अफगानिस्तानसंग तथा पाकिस्तान श्रीलंका ‘ए’ संग पराजित भएको हुदैँ सेमिफाइनलबाटै बाहिरिएका हुन् । भारत अफगानिस्तानसंग २० रनले पराजित भएको हो ।

जितकालागि अफगानिस्तान ‘ए’ ले दिएको २०७ रनको लक्ष्य पछ्याएको भारतले निर्धारित ओभरमा ७ विकेट गुमाउँदै १८६ रन मात्रै बनाउन सक्यो । उसकालागि रमणदीप सिंले अर्धसतकिय पारी खेल्दै रन बनाएपनि जित दिलाउन सकेनन् ।

त्यसअघि अल अमिरात मैदानमा टस जितेर पहिले ब्याटिङ थालेको अफगानिस्तानले निर्धारित ओभरमा ४ विकेट गुमाएर २०६ बनाएको थियो । अफगानिस्तानकालागि सिदीकुल्लाह अटलले ८४ रनको योगदान गरे । जुबैद अकबरीले ६४ तथा करिम जन्नतले ४१ रन बनाए ।

त्यसअघि भएको पहिलो सेमिफाइनलमा पाकिस्तानलाई हराउँदै श्रीलंका इमर्जिङ टिम्स एसिया कपको फाइनलमा पुगिसकेको छ । फाइनलमा अब अफगानिस्तान र श्रीलंका खेल्ने छ ।

फाइनल खेल आईतवार हुनेछ ।