काठमाडौँ : आईसिसी विश्वकप लिग–२ अन्तगर्तको त्रिकोणात्मक सिरिजमा अमेरिका स्कटल्याण्डसंग पराजित भएको छ ।

शुक्रवार राती भएको खेलमा घरेलुटोली कटल्याण्डसंग १० विकेटले पराजित भएको हो । जितकालागि अमेरिकाले दिएको १४५ रनको लक्ष्य स्कटल्याण्डले २४.५ ओभरमा विना विकेटको क्षतीमा भेट्टायो ।

एन्ड्रयू उमेदले नटआउट ९८ तथा चार्ली टियरले ४३ रन जोडे । त्यसअघि डालासस्थित ग्राण्ड प्रेरी स्टेडियममा टस हारेर पहिले ब्याटिङमा तानिएको घरेलुटोली ३८.४ ओभरमा सवै विकेट गुमाउँदै १४४ रनमा समेटियो ।

उसकालागि साड्लीभान सकवेकले सर्वाधिक ५८ रन जोडे । हरमित सिंले २२ तथा नोसतास क्यानजेजले २१ रन बनाएपनि अन्य कुनै पनि खेलाडीले दोहोरो अंकको रन जोड्न सकेनन् । उसले २५ रन अतिरिक्त पाएको थियो ।

अमेरिकालाई सस्तैमा समेट्ने क्रममा ब्राड करीले सर्वाधिक ४ विकेट लिए । ब्राण्डन मिकमोलनले ३ तथा ब्राड व्हीलले दुई विकेट लिए । जितसंगै पाँचौ स्थानमा रहेको स्कटल्याण्ड ११ अंक सहित चौथो स्थानमा उक्लिएको छ ।

त्रिकोणात्मक सिरिजमा नेपालसहित अमेरिका र स्कटल्याण्ड सहभागी छन् । नेपालले पहिलो खेल आइतवार अमेरिकासंग खेल्ने छ ।