काठमाडौँ : नेपाल क्रिकेट संघ क्यानले विश्वकप लिग टु अन्तर्गत त्रिकोणात्मक एक दिवशीय सिरिजकालागि नेपाली टोलीको घोषणा गरेको छ ।

नेपालसहित अमेरिका र स्कटल्याण्डबीच अमेरिकमा जारी सिरिजका लागि क्यानले रोहित पौडेलको कप्तानीमा १५ सदस्यीय टोली घोषणा गरेको हो । घोषित टोलीमा सन्दीप लामिछाने पनि समावेश छन् ।

यसअघि भिषा समस्याका कारण अमेरिका विरुद्ध टी–२० सिरिज नखेलेका लामिछाने टेलीमा  समावेश भएका हुन् । सागर ढकाल र देव खनाल रिजर्भ खेलाडीमा परेका छन् ।

टोलीमा कप्तान पौडेलसंगै कुशल भुर्तेल, आसिफ सेख, अनिल साह, भीम सार्की, आरिफ सेख रहेका छन् । यस्तै कुशल मल्ल, दीपेन्द्र सिंह ऐरी, अर्जुन साउद, सोमपाल कामी, करण केसी, गुल्सन झा  सन्दीप लामिछाने र ललित राजवंशी रहको छन् ।

सिरजको पहिलो खेलमा भोली राती नेपालले घरेलु टोली अमेरिकासँग खेल्नेछ ।