काठमाडौँ : आएसीसी विश्वकप लिग टु अन्तर्गत त्रिकोणात्मक एक दिवशीय सिरिजको आफ्नो पहिलो खेलमा नेपालले आज अमेरिकासंग प्रतिस्पर्धा गर्दैछ ।

यी दुई टोलीबीचको खेल नेपाली समय अनुसार आज राती सवा ९ बजे डालास स्थित ग्राण्डप्रेरी रंगाशालामा हुनेछ । पहिलो खेलमा स्कटल्याण्डसंग लज्जास्पद हार ब्यहारेको अमेरिका पहिलो जितको खोजिमा हुनेछ ।

नेपाल पनि घरेलु टोलीलाई हराउँदै सुखद् सुरुवात गर्न चहान्छ ।  

नेपालसहित अमेरिका र स्कटल्याण्डबीच अमेरिकमा जारी सिरिजका लागि क्यानले रोहित पौडेलको कप्तानीमा १५ सदस्यीय टोली घोषणा गरिसकेको छ ।

घोषित टोलीमा सन्दीप लामिछाने पनि समावेश छन् । यसअघि भिषा समस्याका कारण अमेरिका विरुद्ध टी–२० सिरिज नखेलेका लामिछाने टेलीमा  समावेश भएका हुन् ।

सागर ढकाल र देव खनाल रिजर्भ खेलाडीमा परेका छन् ।