सोसल मिडिया
हाम्रो बारेमा
प्रयोगका सर्त
काठमाडौँ : पाहुनाटोली वेष्टइण्डिजले एक दिवशीय सिरिजमा सान्त्वना जित निकालेको छ ।
शनिवार राती भएको तेस्रो तथा अन्तिम खेलमा घरेलु टोली श्रीलंकालाई डिएलएस मेथर्डमा ८ विकेटले हराउँदै वेष्टइण्डिजले सान्त्वना जित निकालेको हो ।
वर्षा बाधक बनेपछि खेललाई २३ ओभरमा छोट्टाईएको थियो । पल्लेकेले अन्तराष्ट्रि क्रिकेट रंगाशालामा पहिले टस जितेर वेष्टइण्डिजले फिल्डिङ रोजेपछि घरेलु टोलीले सुरुवाती ब्याटिङ थालेको थियो ।
१५७ रनको लक्ष्य वेष्टइण्डिजले ६ बल बाँकी छदैँ २ विकेटको क्षतिमा भेटायो । उसकालागि इभिन लुईसले बिस्फोटक ब्याटिङ गरे । ६१ बलको सामना गरेका उनले ९ चौका र ४ छक्का हिर्काउँदै नटआउट १०२ रन जोडे ।
शेर्फेन रदरफोर्डले ५० तथा कप्तान साइ होपले २२ रन बनाए ।
यसअघिका लगतार दुई खेलमा वेष्टइण्डिजले हार भोगेपछि श्रीलंकाले सिरिज भने २–० ले जितिसकेको छ ।
