काठमाडौँ : एसीसी पुरुष टी–२० इमर्जिङ टिम्स एसिया कपको उपाधि छिनोफानो आज हुँदैछ ।

ओमानको अलअमिरात क्रिकेट स्टेडियममा नेपाली समय अनुसार साँझ ७:१५ बजे हुने फाइनलमा अफगानिस्तान र श्रीलंका भिड्दै छन् । दुई पटकको विजेता श्रीलंका तेस्रो पटक उपाधि जित्ने योजनामा छ । उसले सन् २०१७ र २०१८ मा उपाधि जितेको थियो ।

पहिलो पटक फाइनल पुगेको अफगानिस्तान उपाधि चुम्ने लक्ष्यमा छ । अफगानिस्तान सन् २०१७ र २०१९ मा सेमिफाइनल सम्म पुगेको थियो ।

दुई पटकको बिजेता पाकिस्तान र एक पटकको विजेता भारत भने सेमिफाइनलबाटै बाहिरिसकेका छन् ।

शुक्रवार भएको सेमिफाइनलमा भारत अफगानिस्तानसंग तथा पाकिस्तान श्रीलंका ‘ए’ संग पराजित भएको हुदैँ सेमिफाइनलबाटै बाहिरिएका हुन् ।