काठमाडौँ :एसीसी पुरुष टी–२० इमर्जिङ टिम्स एसिया कपको उपाधि अफगानिस्तानले जितेको छ ।

आइतवार भएको फाइनलमा दुई पटकको विजेता श्रीलंकालाइ ७ विकेटले हराउँदै अफगानिस्तानले  पहिलो पटक उपाधि उचालेको हो । जितकालागि श्रीलंकाले दिएको १३४ रनको लक्ष्य अफगानिस्तानले १८.१ ओभरमा ३ विकेटको क्षतिमा भेटायो । उसकालागि सिदीकुल्लाह अटलले नटआउट ५५ रन जोडे । करिम जन्नतले ३३ रन बनाए ।

त्यसअघि ओमानको अलअमिरात क्रिकेट स्टेडियममा टस जितेर ब्याटिङ थालेको श्रीलंकाले निर्धारित ओभरमा ७ विकेट गुमाउद्यै १३३ रन बनाएको थियो ।

उसकालागि सहान अरचिगेले सर्वाधिक ६४ रन जोडे । श्रीलंकाले सन् २०१७ र २०१८ मा गरी दुई पटक उपाधि जितेको थियो ।