मेलम्ची : दिपावलीको अवसरमा आयोजना गरिएको दोश्रो मेलम्ची नगर स्तरिय खुल्ला पुरुष भलिबल प्रतियोगिता उद्घाटन भोटेचौरमा सुरु भएको छ । मेलम्ची नगरपालिका वडा नम्बर १ को आर्थिक सहयोग तथा दोश्रो मेलम्ची नगर स्तरिय खुल्ला पुरुष भलिबल प्रतियोगिता मुल आयोजक समितीद्वारा आयोजित प्रतियोगिताको मेलम्ची नगरपालिका प्रमुख आइतमान तामाङले उद्घाटन गरेका छन् । 
प्रतियोगिताको पहिलो दिन चार ओटा खेलहरु भएको आयोजकाले जानकारी दिएको छ । मंगलवार भएको उद्घाटन खेलमा वडा नम्बर १० शिखरपुरलाई पराजित गर्दै मेलम्ची ८ खैरेले विजयी सुरुवात गरेको छ ।

त्यस्तै दोस्रो खेलमा आयोजक भोटेचौरलाई पराजित गर्दै मेलम्ची ९ विजयी भएको छ भने  तेस्रो खेलमा भोटेचौर स्पोर्ट्स क्लबलाई पराजित गर्दै सिर्जनशील युवा क्लब विजय भएको छ ।

चौथो तथा अन्तिम खेलमा मेलम्ची ३ हैबुङलाई हराउँदै मेलम्ची ७ दुवाचौर सेल्लेले जित हात पारेको प्रतियोगिताका सह-संयोजक विनोद चौलागाईंले जानकारी दिए ।

१३ टोली सहभागी प्रतियोगिता अन्तर्गतको बाँकी खेल भोलि हुने आयोजकका दीपक चौलागाईंले जानकारी दिए ।

कार्तिक १५ सम्म सञ्चालन हुने प्रतियोगिताको बिजेताले एक लाख रुपैयाँ प्राप्त गर्नेछन् । उपविजेताले ५० हजार रुपैयाँ पाउने आयोजकले जनाएको छ ।