काठमाडौँ :नरेश श्रेष्ठ स्मृति यू–१९ पुरुष राष्ट्रिय क्रिकेट प्रतियोगितामा लुम्बीनी प्रदशेले अपराजित यात्रा कायमै राखेको छ ।

बिहिवार भएको खेलमा बागमती प्रदेशलाई १०२ रनले हराउँदै लुम्बीनीले लगातार चौथो जित निकालेको होे ।जितकालागि लुम्बीनीले दिएको २७९ रनको बिशाल लक्ष्य पछ्याएको बागमती १७६ रनमा अलआउट भयो ।

उसकालागि रोशन बिश्वकर्माले नटआउट ७३ रन बनाएपनि जित दिलाउन सकेनन् । सुर्याशुं कोईरालाले ३२,राजेश बोहराले २१ तथा नितेश कुमारले १३ रन बनाए पनि अन्य ६ खेलाडीले दोहोरो अंकको रन छुन सकेननन् । बागमतीलाई सस्तैमा समेट्ने क्रममा लुम्बीनीका आकाश त्रिपाठी र सन्तोष यादबले समान ३-३ विकेट लिए ।

त्यसअघि बिराटनगर ज्वाला क्रिकेट मैदानमा टस जितेर ब्याटिङ थालेको लुम्बीनीले निर्धारित ५० ओभरमा ७ विकेट गुमाउँदै २७८ रन बनाएको थियो । उसकालागि तीन खेलाडीले अर्धसतक प्रहार गरे ।

आकाश त्रिपाठीले सर्वाधिक ७७ रन बनाउँदा सन्तोष यादवले ६३ तथा दिलसाद अलीले ५४ रन बनाए ।

खेलका चारै खेलमा जित निकालेको लुम्बीनी ८ अंक सहित शिर्ष स्थानमा छ ।