सोसल मिडिया
हाम्रो बारेमा
प्रयोगका सर्त
काठमाडौँ : हङकङ सिक्सेज क्रिकेटमा आज नेपालले इंग्ल्याण्डसंग प्रतिस्पर्धा गर्दैछ ।
मिशन रोड मैदान, मोङ कोकमा नेपाली समय अनुसार बिहान ७ बजेर १० मिनेटमा सुरु हुने खेलमा नेपालले इंग्ल्याण्डसंग प्रतिस्पर्धा गर्न लागेको हो ।
इंग्ल्याण्ड विरुद्ध नेपाल सन्दीप जोराको कप्तानीमा मैदानमा उत्रनेछ । हङकङ सिक्सेजमा नेपालको डेब्यू पनि हो । नेपालले यस प्रतियोगितामा पहिलो पल्ट सहभागिता जनाएको हो । आजबाट सुरु भएको प्रतियोगितामा आगामी आइतवारसम्म चल्नेछ । यस प्रतियोगितामा हरेक टोलीमा ६ खेलाडी हुन्छन् ।
हरेक खेल ५ ओभरको हुन्छ । फाइनलमा भने ८ ओभरको खेल हुन्छ । हरेक विकेट किपरबाहेक हरेक फिल्डिरले एक ओभर बलिङ गर्न पाउनेछन् ।
सन् १९९३ मा सुरु भएको यस प्रतियोगिताको पछिल्लो संस्करण सन् २०१७ मा भएको थियो । प्रतियोगितालाई आईसीसीले पनि मान्यता दिइसकेको छ ।
प्रतियोगितामा १२ टोली सहभागि छन् ।
नेपाली टोलीमा सन्दीपसँगै नारायण जोशी,प्रतिश जीसी,रशिद खान,बिबेक यादव ,दिपेन्द्र रावत रहेका छन् । विकेट किपरमा लोकेश बम छन् । ज्ञानेन्द्र मल्लले नेपाली टोलीको प्रशिक्षकको जिम्मेवारी सम्हाल्नेछन् ।
