काठमाडौँ :आइसीसी विश्वकप लिग टु मा अमेरिका स्कटल्याण्ड फेरि पराजित भएको छ ।

शुक्रवार (आज) बिहान भएको खेलमा घरेलु टोली अमेरिका स्कटल्याण्डसंग ७१ रनले पराजित भएको हो । जितकालागि स्कटल्याण्डले दिएको ३१८ रनको लक्ष्य पछ्याएको अमेरिका ४४ ओभरमा अलआउट हुँदै २४६ रनमा समेटियो ।

उसकालागि उत्कर्ष श्रीवास्तवले सर्वाधिक ६७ रनको योगदान गरे ।कप्तान मोनाकं पटेलले ५२ तथा सञ्जय कृष्णमुर्तिले ४९ रन जोडे ।

त्यसअघि डालासमा टस हारेर पहिले ब्याटिङमा तानिएको स्कटीज टोलीले निर्धारित ओभरमा ५ विकेटको क्षतिमा ३१७ रनको बिशाल योगफल तयार पारेको थियो । उसकालागि ब्राण्डन म्याकमुलनले बिस्फोटक ब्याटिङ गर्दै १५१ रनको पारी खेले । चार्ली टियरले ५१ रन जोडे ।

त्रिकोणात्मक एक दिवशीय सिरिजमा नेपाल,अमेरिका र स्कटल्याण्ड सहभागि छन् ।