सोसल मिडिया
हाम्रो बारेमा
प्रयोगका सर्त
काठमाडौँ : हङकङ सिक्सेज क्रिकेटमा इंग्ल्याण्डविरुद्धको पहिलो खेलमा नेपालले टस जितेर फिल्डिङ रोजेको छ ।
मिशन रोड मैदान, मोङ कोकमा भर्खरै सुरु भएको खेलमा नेपालले फिल्डिङ रोजेपछि इंग्ल्याण्ड पहिले ब्याटिङमा उत्रिएको छ ।आजबाट सुरु भएको प्रतियोगितामा आगामी आइतवारसम्म चल्नेछ ।
यस प्रतियोगितामा हरेक टोलीमा ६ खेलाडी हुन्छन् ,हरेक खेल ६ ओभरको हुन्छ । फाइनलमा भने ८ ओभरको खेल हुन्छ । हरेक विकेट किपरबाहेक हरेक फिल्डिरले एक ओभर बलिङ गर्न पाउनेछन् ।
सन् १९९३ मा सुरु भएको यस प्रतियोगिताको पछिल्लो संस्करण सन् २०१७ मा भएको थियो । प्रतियोगितालाई आईसीसीले पनि मान्यता दिइसकेको छ ।प्रतियोगितामा १२ टोली सहभागि छन् ।
आजै भएको पहिलो खेलमा दक्षिण अफ्रिकाले विजयी सुरुवात गरेको छ । हङकङले दिएको ९३ रनको लक्ष्य दक्षिण अफ्रिकाले ८ बल बाँकी छँदै ३ विकेटको क्षतिमा पुरा गरेको हो ।
