काठमाण्डौँ :इंग्ल्याण्ड विरुद्धको एक दिवशीय सिरिज अन्तर्गतको पहिलो खेलमा वेष्टइण्डिजले विजयी सुरुवात गरेको छ ।

आज विहान भएको खेलमा इंग्ल्याण्डलाई डिएलएसमा ८ विकेटले हराउँदै वेष्टइण्डिजले विजयी सुरुवात गरेको हो । बर्षाका कारण ३५ ओभरमा छोटाईएको खेलमा वेष्टइण्डिजले १५८ रनको लक्ष्य पाएको थियो ।

उक्त लक्ष्य उसले २५.५ ओभरमा मात्र २ विकेट गुमाएर भेटायो । वेष्टइण्डिजको जितमा इभिन लुईसले सर्वाधिक ९४ रनको पारी खेले । ब्राण्डम किङले ३० रन बटुले ।

त्यसअघि सर भिभियन रिचर्ड्स स्टेडियम, नर्थ साउन्ड, एन्टिगुआमा टस हारेर पहिले ब्याटिङमा तानिएको इंग्ल्याण्डले ४५.१ ओभरमा सवै विकेट गुमाउँदै २०९ रन बनाएको थियो ।

इंग्ल्याण्डकालागि कप्तान लियाम लिभिङस्टोनले सर्वाधिक ४८ तथा श्याम करणले ३७ रन बनाए ।

जवाफी ब्याटिङमा उत्रिएको वेष्टइण्डिजले १५ ओभरको समाप्तीमा बर्षा भएपछि खेल केहि समय अबरुद्ध हुन पुग्यो ।