काठमाडौँ : यु–१९ टी–२० महिला विश्वकप क्रिकेटको एशिया छनोट प्रतियोगिता आजबाट सुरु हुँदैछ ।

युएईको सेभेन्स स्टेडियममा आगामी बिशिवार सम्म हुने प्रतियोगितामा नेपालसहित थाइल्यान्ड, कुवेत र युएई यु–१९ महिला टोली सहभागि हुनेछन् । आज हुने आफ्नो खेलमा नेपालले दिउँसो सवा ३ बजे थाइल्याण्डसंग खेल्नेछ । भोली बिहान सवा ११ बजे नेपालले कुबेतसंग खेल्नेछ ।

नेपालले घरेलुटोली युएइसंग शनिवार  सवा ११ खेल्ने तालिका छ । आइतवार नेपालले पुन थाइल्याण्डसंग खेल्नेछ भने मंगलवार कुबेत र बुधवार युएइसंग खेल्नेछ ।सवैटोलीले  एकअर्कासँग डबल राउन्ड–रोबिनमा प्रतिस्पर्धा गर्नेछन् ।

अंक तालिकाको शीर्ष स्थानमा रहने टोलीले आगामी जनवरी÷फेब्रुअरीमा मलेसियामा हुने अर्को छनौट प्रतियोगितामा खेल्न पाउनेछ ।

उक्त टोलीले समूह 'डी' मा रहेको अष्ट्रेलिया, बंगलादेश र स्कटल्याण्डसँग खेल्नुपर्नेछ ।