काठमाडौँ :आइसीसी विश्वप लिग–२ मा नेदरल्याण्डसले युएईलाई पराजित गरेको छ ।

शनिवार राती भएको खेलमा युएई ६७ रनले पराजित भएको हो । जितकालागि २४२ रनको लक्ष्य पछ्याएको युएई ४५.२ ओभरमा अलआउट हुँदै १७४ रनमा समेटियो ।

युएईकालागि अली नसारले सर्वाधिक ४५ तथा कप्तान राहुल चोपराले ४३ रन बनाएका थिए ।

त्यसअघि ओमानको अलअमिरात रंगाशालामा टस हारेर ब्याटिङमा तानिएको नेदरल्याण्डसले निर्धारित ओभरमा ८ विकेट गुमाउँदै २४१ रन बनायो । उसको जितमा बिक्रमजित सिंले ६९ तथा म्याक्स ओ डाउटले ६६ रन जोडे ।

जितसंगै नेदरल्याण्ड १४ अंकसहित तेस्रो स्थानमा उग्लिएको छ ।