काठमाडौँ : १९ बर्ष मुनिको महिला टी–ट्वेन्टी विश्वकप एसिया छनोटमा थाईल्याण्डले युएईसामु जितकालागि ५६ रनको सामान्य लक्ष्य दिएको छ ।

युएईको द सेभेन स्टेडियम अजमानमा टस जितेर पहिले ब्याटिङ थालेको थाईल्याण्ड १९.४ ओभरमा सवै विकेट गुमाउँदै ५५ रन बनायो । उसकालागि अपिसरा सुवान्चोरथीले सर्वाधिक २० रनको योगदान गरिन् । सैथान खन्थैछले  ११ तथा  पाथानान पिङ्केयोले १० रन जोडिन् ।  

थाईल्याण्डलाई सस्तैमा समेट्ने क्रममा बलिङतर्फ युएईकी लावन्या केनीले सर्वाधिक चार विकेट लिईन् । मेहक ठाकुर दुई विकेट लिईन् । छनोट खेलमा आयोजक युएईसहित नेपाल, कुवेत र थाइल्याण्ड सहभागी छन् ।

सहभागी चार टोलीमध्ये शीर्ष स्थान हासिल गर्ने टोली सन् २०२५ मा मलेसियामा हुने विश्वकपमा छनोट हुनेछ ।