सोसल मिडिया
हाम्रो बारेमा
प्रयोगका सर्त
काठमाडौँ :भारतीय स्टार खेलाडी शिखर धवनले नेपाल प्रिमियर लिग (एनपिएल) खेल्ने भएको छ ।
एनपील खेल्न उनी फ्रेन्चाइज टोली कर्णाली याक्ससंग आबद्ध भएका हुन । याक्सले चौथो विदेशी खेलाडीका रूपमा धवनलाई अनुबन्ध गरेको जनाएको छ । कर्णाली याक्सले बिहीबार ३८ वर्षीय धवनलाई अनुबन्ध गरेको हो । धवनले ६८ ट्वान्टी–२० अन्तर्राष्ट्रिय खेलमा ११ अर्धशतकसहित १ हजार ७५९ रन बनाएका छन् ।
सम्झौतामा धवन र कर्णालीका मालिक झनक दत्त खनालले हस्ताक्षर गरेका छन् । सम्झौता रकम भने गोप्य राखिएको छ ।
नेपाल क्रिकेट संघ (क्यान) को आयोजनामा एनपिएल मंसिर १५ देखि पुस ६ गतेसम्म हुँदैछ ।
प्रतियोगितामा आठ फ्रेन्चाइज कर्णालीसँगै सुदूरपश्चिम रोयल्स पोखरा एभेन्जर्स, जनकपुर बोल्ट्स, काठमाडौं गुर्खाज, चितवन राइनोज, विराटनगर किंग्स र लुम्बिनी लयान्सले प्रतिस्पर्धा गर्नेछन् ।
