काठमाडौँ :नेपाल क्रिकेट सङ्घ क्यानले १९ वर्ष मुनिको  महिला राष्ट्रिय टोलीलाई  जनही नगदसहित सम्मान गरेको छ ।

युएइमा भएको अन्डर १९ एसिया कप छनोटबाट युएईलाई हराउँदै नेपाललाई विश्वकपमा पुर्याएको भन्दै क्यानले प्रत्येक खेलाडीलाई नगद साढे २ लाख रुपैयाँ दिने भएको क्यानका प्रवक्ता छुम्बी लामाले स्पोर्टस हबलाई जानकारी दिए ।

उनले खेलाडीसंगै अफिसियलहरु,टिम ब्यबस्थापक,प्रशिक्षक ,फिजियो र सपोर्टङ टिममा रहेका प्रत्येक ब्यक्तिलाई पनि जनही १ लाख ५० हजार रुपैयाँ नगद पुरस्कार दिईने बताए ।

युएइमा भएको एसिया छनोटमा घरेलु टोली युएईलाई आठ विकेटको फराकिलो अन्तरले हराउँदै नेपाल पहिलो पटक  १९ वर्ष मुनिको विश्वकपमा छनोट भएको हो ।