सोसल मिडिया
हाम्रो बारेमा
प्रयोगका सर्त
काठमाडौँ :दक्षिणअफ्रिका विरुद्धको टि–२० अन्तर्राष्ट्रिय सिरिज भारतले हात पारेको छ ।
शुक्रबार राती भएको चौथो तथा अन्तिम खेलमा घरेलु टोली दक्षिणअफ्रिकामाथि १३५ रनको फराकिलो जित निकाल्दै भारतले टि–२० अन्तर्राष्ट्रिय श्रृङ्खला ३–१ ले आफ्नो पक्षमा पारेको हो । जितका लागि भारतले दिएको २८४ रनको लक्ष्य पछाएको दक्षिणअफ्रिका १८.२ ओभरमा अलाउड हुँदै १४८ रनमा समेटिएको थियो ।
दक्षिणअफ्रिकाका लागि क्रिस्टन स्टवस्ले सर्वाधिक ४३ रनको योगदान गरे । डेविड मिलरले ३६ तथा मार्को जेन्सनले २९ रन बनाए पनि अन्य ब्याटरले उल्लेख्य प्रदर्शन गर्न सकेनन् ।
दक्षिणअफ्रिकालाई सस्तैमा समेट्ने क्रममा बलिङ तर्फ हर्शदिप सिंहले सर्वाधिक ३ विकेट लिए । वरुण चक्रवर्ती र अक्षर पटेलले समानदुई-दुई विकेट लिँदा हार्दिक पाण्डे रमणदिप सिंह र रवि विष्णोईले समान एक-एक विकेट हात पारे ।
त्यसअघि दक्षिणअफ्रिकाको जोहनेसवर्र्गमा टस जितेर पहिले ब्याटिङ थालेको भारतले निर्धारित ओभरमा एक विकेटको क्षतिमा २८३ रन बनाएको थियो ।
भारतका लागि तिलक वर्माले नटआउट सर्वाधिक १२० तथा सञ्जु सामसैनले १०९ रनको योगदान गरे ।
