काठमाडौँ :घरेलुटोली अष्ट्रेलियाले पाकिस्तान विरुद्धको दोस्रो टी–२० आई सिरिज जितेको छ ।

आज भएको खेलमा पाकिस्तानलाई १३ रनले हराउँदै अष्ट्रेलियाले एक खेल अगावै तीन खेलको सिरिज २–० ले जितेको हो । जितकालागि अष्ट्रेलियाले दिएको १४८ रनको लक्ष्य पछ्याउको पाकिस्तान १९.४ ओभरमा सवै विकेट गुमाउँदै १३४ रनमा समेटियो । पाकिस्तानकालागि उस्मान खानले अर्धशतिकय पारी खेल्दै सर्वाधिक ५२ रन बनाएपनि जित दिलाउन सकेनन् ।

इर्फान खानले ३७ तथा कप्तान मोहम्मद रिजवानले १६ रन बनाएपनि अन्य खेलाडीले दोहोरो अंकको रन बनाउन सकेनन् । पाकिस्तानलाई सस्तैमा समेट्ने क्रममा बलिङतर्फ स्पेन्सर जोनसनले सर्वाधिक ५ विकेट लिए ।

त्यसअघि सिड्नीमा टस जितेर सुरुवाती ब्याटिङ थालेको अष्ट्रेलियाले निर्धारित ओभरमा ९ विकेट गुमाउँदै १४७ रन बनाएको थियो  । उसकालागि म्याथू सर्टसले सर्वाधिक ३२ रनको योगदान गरे ।

आरोन हार्डीले २८ ,ग्लेन म्यास्वेलले २१ ,जेक फ्रेजर–म्याकगुर्कले २० तथा टिम डेभिडले १८ रन बनाए । मार्कस स्टोइनिसले १४ रन जोडे । बलिङतर्फ हरिष रौफले सर्वाधिक चार विकेट लिए ।

अब्बास अफ्रिदीले ३ तथा सुफियान मुकिमले दुई विकेट हात पारे । एडम जम्पाले दुई विकेट लिए ।

श्रृखंलाको तेस्रो तथा अन्तिम खेल सोमवार हुनेछ ।